الأربعاء، 12 أكتوبر، 2011

ستوديو مصر || Studio Masr

مطعم ستوديو مصر
Studio Masr Grill
Guess what.. In JEDDAH!!
موقعهم الرسمي.. هنا
الموقع
"لزوار قاهرة المعز ... للحلوين إللي بتسافر مصر ... للناس إللي يتروح شمبرليون مرة لباخرة لنايل سيتي بالقاهرة في كل وقت ... الأن في مدينة جدة ... أحد مطاعم عوامة النايل سيتي "بشحمة وبلحمة" الشهير..... ستوديو مصر ... و مين فينا مايحبش مصر ... دي مصر أم الدنيا أم الحياة ... دانا شبابي و روحي وحياتي بمصر ... يا حبيبتي يا مصر يا مصر, يا حبيبتي ياااااااا مصر (كمملوا أغنية الثورة  بمعرفتكم و خلونا من اللوك لوك) ... كلام كتير حينقال هنا"
======================
زاوية الشكر
حابب أشكر الشخص (قال ما أقول مين) إللي ساعدني في عمل التقرير دا
وكمان حابب أشكر الناس إللي من جد آمنوا بالتقارير السابقة و بالفعل راحوا الأماكن إللي كتبت عنها
من جد أعطيتوني حماس إني أكمل و بقوة
ووووو
Happy Birthday to me :p
======================
إعلان مهم!!!
عرفان بالجميل لكل الناس الحلوة
قررنا بما هو آتي
في حالة وصل عدد السادة القراء للمدونة إلى 10000 (تن تاوزن)
حنعمل سحب على جائزة (والللله محرزة و بفلوسي) وهي عبارة عن
كونكت تيربو مع خمسة جيجا إنترنت مجاناً لمدة شهر
وهاذي البداية وإن شاء الله حنكمل مسيرة الهدايا والمفاجأت بين فترة وفترة (يعني على حسب الكاش إللي باليد)
كيف حيصير السحب؟؟؟
المؤهلين للحصور على الجائزة إللي متابعيني بتويتر على
@aido4mobily
حيكون هناك إشراف على عملية السحب مع المدون الكبير عبدالعزيز الشعلان المرة هاذي
========================


لالالالالا هذا مو إسلوب .. دحين ما لقيت غير إنك توصف محل في جدة ... دي مدونة "سفر و كدة" يا كابتين!!
يوه وأنا قلتلك حاجة غلط!! الفكرة وبكل بساطة يا أستاز عشان أوضح نقطة مهمة:
  1. المطعم مشهور في القاهرة و يعتبر مرتع لكل الناس إللي بتروح مصر
  2. يعني جدة بالله ما يجوها زوار من برة (أهل مكة و الرياض و المدينة و الشرقية و من الخليج) وكدة؟
  3. الأن موسم حج ولو تعرف كلل الشركات الأيام هادي منتورين عندنا (يعني سياحة داخلية أعتبرها لهم)
  4. وإحنا أهل جدة مالنا رب يعني نخرج في أحد المطاعم الجديدة!! ولا مطعم لو زكريات حلوة بمصر مثلا؟ (دا انا أعرف ناس أتزوجت من ورا ستوديوا مصر يا واد)
تعرفني أنا طيب وما ليا في الحيك والميك ... طيب يا سيدي أديني هرجة المكان؟؟
إيوة كدة أحبك جداً... ستوديو مصر فتح بالقاهرة في عام 1996 وميزتة الأساسية إننوا مش بس مطعم إننوا الواحد ياكل فيه وبس ... لااااااا .. هوا عبارة عن تكريم و تخليد للفن المصري عموما من الأفلام القديمة و إللي بمجرد دخولك للمكان حتشعر بروح الفن عن طريق صور الفنانيين القدامى مع الجدار الأصفر الجميل. المطعم زي ما قلت فكرتوا مش بس إنك تروح وتاكل وبس ... شخصيا يهمني جداً البيئة المحيطة بالمكان إللي أكل فيه بالإضافة لجودة الأكل .. وهاذي المعادلة الصحيحة للطهمجة الأليمة إسمها... فبمجرذ دخولك للمكان .. تشعر بالديكور العصري من الإنارة الخفيفة و تناسق اللون الخشبي مع الجدار الأصفر وإللي مرشتق أختتوا صور حقت الفنانيين... وياسدي على الموسيقى إللي بيشغلوها... من أم كلثوم لي فريد الأطرش لي عبدالمطلب لي عبدالحليم و كدة ... حاجة في الإستكانياس يا معلم .. فتاكل وتقول "يا سلاااام" منتا عارف على الطقطوقة إللي شغالة ولا على الأكل الطعم. وهنا ما يميز المطعم حاليا في جدة عن باقي المطاعم

يا سيدي على الروقان إللي إنت فيه.. طيب مو في مطاعم بالحمبتلي في جدة نفس الفكرة والجو .. ليش دا!!!؟؟
صحيح جدة مليانه مطاعم و تعتبر أحد المتنفسات إللي الواحد يقدر يروحها... خليني أبسطها لك ... في جدة ياااااماااا أكل إيطالي ... وياااااااااااماااا أكل صيني ... وياااااااماااا أكل أمريكي و جنك فووودز .... هرمنااااا من دا الأكل خلاااااص ... حتقولي طيب في عندنا أبوشقرة والدوار المصري .... أقولك صح معاك حق.. حيكون ردي بكل بساطة:
  • أبوشقرة: قديم متهالك و لا يمت بصلة إللي عندنا بالراحة و الجو العام إللي فيه مش ولا بد في كلا المحلين
  • الدوار المصري: جيد ومافيه عيب لكن جوه يختلف تماما عن ستوديو مصر فهذا مطعم داخل موول وستوديو مصر في منطقة مطاعم و كافيهات كاااملة (حسن موقع ولا زين بضاعة يا صاحبي)
حابب أضيف في موضوع اللوكيشن .. الدوار المصري التارجت حقة محدود بالناس إللي بتروح (رد سي مول) بينما شوف يا معلم موقع ستوديو مصر (ضرررربة معلم بصحيح) كفاية شارع التحلية فحلللقة.

أنا معاك لو قلنا مطعم وبأجواء زي ما قلت فكرة طيبة جدا... طيييييب كيف الأكل؟؟
"أقولك إيه عن الشوق يا حبيبي" أشكيلك وأحكيلك على الأكل ياخويا ..... حاجة يبغالها من جد أقول عنها "صفاء الذهن وأطلب و أتمنى"... أوكي علوني إننوا مافي ملوخية بالفراخ ... لكن أول ما تدخل تشوف المينيو حتتعب من إنك تطلب إيه ولا إيه وهذا دليل على إن الواحد لازم يجيله أكثر من مرة من شان يمسح كل الطلبات
بداية المباراة شوية سلطات من اللي قلبك يحبها ... يا سلا على المزة يااااه في كبيبة ألم والله

المحل مشهور بالمشاوي المصرية الألييمة بشواية صغيرة بتتقدم مع المشاوي وعلى حسب طلبك بس بموجب خبرتي الأكلية العظيمة (حاجة خارج نطاق العالم من طعامه) من ريش ما تنكسف إنك تعرمشها بيدك من نفسك تكون أكبر من كدة من طعامتها و معدها تعطيها كقتة لحم ضاني يالهوييييي ولا الكباب حاجة من أخر الأخر .. شوف شوف
ويجيك يا معلم غير المشاوي ... في حاجة إسمها بمصر (الطبيخ) إحنا هنا نسميها الإيدامات ... بالله لا تقولي حقت البيت وما حقت البيت ... شوف شوف
طواجن أي خدمة انا مجرب البامية و المسقعة
وعندهم تشكيلة من مأكولات مصرية أو شرق أوسطية بس بنكهة مصرية
والمعمر أشكييييلك على المعمر

يا عيدو يمين بالله مو إسلوب... طيب شهونتني أروحة ... حكيني على التجربة
طيب حلو ... المحل لسه ما بقالة شهرين فاتح ... ورحت له مرتين!!! يعني حاجة ألم .... رحت مع أهلي و مرة رحت مع الشباب.. كل واحد ولها جوها بس قسم العوائل أفضل بكثير ... أو ممكن الشباب إللي كانوا معايا بطقة هههه بس عموما الجو هوا نفسه والأكل كان حاجة فوق الخيال في المرتين ... شوف يا باشا:
أول ما توصل و تجلس قرن عشان تقرر إيش تاكل من كثر الأكلات من المينيو وبعدها يجيبولك ... أجمل عيش بلدي مصري فيكي يا جدة
ومعاه حاجة زي الموش (أتمنى تفهموا.. إللي هوا لبن مع توابل حارة) ... مع العيش حاجة أخر منجهه خالص
لحقت أصورها قبل ما ننسا نفسنا و تتنفس للمرة الثانية ... المهم شي طيب جدا
وتبدأ مراسم المعركة مع كولليكش سلطة ألم من كبدة و كبيبة (عاد هادي الكبيبة أتقاسموها) و تومية وحمص و تبولة و بدنجان أسود و متبل مررررررررة نظيفه تفكرك على طول بأجواء مصر مع العيش الحار
يا سيدي انا على المعمر بالفراخ (أقولك إيه عن الشوق يا حبيبي)
مسقعه (مافوتنيش انا وحدي أفضل أحايل فيك .. ماتخليش الدنيا تلعب بيا وبيك) حاجة حررررررشة ههههه
بامية باللحمة الضاني (ليالي .. مافرقتيش حبيبي ثانية حبيبي يا غالي .. بستنى الفرحة وبستناك) من جد أعطيها من ذي البامية لين تنعمي
دا منظر عام للمائدة (إمتى الزمان يسمح يا جميل وأسهر معاك على شط النيل) ههههههههه حاجة روستافيفو جدا
العريس المشوي المشكل العظيم (سألوني الناس عنك سألوني كتبوا المكاتيب وأخدنا الهوى) من جد الريش عندهم تتمص ههههه

طيب يا حلو كيف الأوبييّك (الفلوس)
والله شوف إحنا مع الأهل رحنا 3 أنفار (كبار)و صرفنا تقريبا 270 ريال... و لما رحت مع الشباب دافع تقريباَ 100 ريال بس كان دعس مو طبيعي ... يعني تقديريا والله أعلم إن متوسط الفرد (70-100)ريال

أح ... مو إسلوب .... طيب خلاص اليوم يبدأ الويك إند و لسه باقي من الراتب ... أعطيني أخر نصايحك
حقيقة محل يستاهل إن الواحد يروحه ... الأجواء المحيطة و بيئة المطعم المنظمة و الجودة العالية في الطعام تخلي الواحد يكرر زيارته لزي كدة أماكن... انا متأكد في أكلات انا لسه ما أكلتها و الحلى أشكيلك يا معلم... بكرة يوم الخميس حنروح مع زملاء العمل تأكيد إنه من الأماكن المميزة... ومن جد انا أعتبره "تغيير" كبير في سوق المطاعم لمدينة جدة ... أتمنى إنى يستمر بنفس الجودة ومو عشان جديد يكون محترم و لما يقدم يطلع أبو كلب... أنصح كل شخص من خارج مدينة جدة  وجاي ينورنا لفترة من الزمن حتى لو يوم ... يروح الإستوديو المصري..
مدينة القاهرة مليانه ذكريات ... ولحد يقوللي بالله إنه ما أشتاق للقاهرة و خرجاتها و جوها الرائع و الحياة العادية إللي كنا نعيشها هناك ... أحبك يا مصر من كل قلبي ... فكرة إنه محل يذكرني فيها .. خلاني أكون أعتبره معلم سياحي ناجح لمصر يحمسني إني أروحه أكثر من مرة .... أنا متأكد إنه في ناس غيري بيفكر نفس الحاجة ....


*مهم جدا: ترا مافي كشري

*اليوم ويك إند في جدة يبدأ .... أفضل مكان للتجمع العائلي"   

بس وكدة
Aido Advisor
our facbookgroup click below
Please Follow me on Twitter
@aido4ever







‏هناك 9 تعليقات:

  1. كتبت عن الاكل فابدعت بكل امانه

    بصراحه افضل مدونه كتبتها اتمنى الي قراها ما يكون جيعان لانه في دي الحاله حيزيد الجوع

    ردحذف
  2. ماني عارف كيف اعبر عن إعجابي ب اسلوبك، لك مني كل الشكر اكيد ح اجرب واعطيك الاخبار

    ردحذف
  3. تقرير جميل واسلوب فله ماشاءالله عليك
    وبصراحه اللي عجبني في هذا المطعم المشاوي عندهم ممتازة بالذات الوجبة اللي اسمها (أمير الانتقام) صحيح اسمها يخوف بس وجبه في الجون يامعلم.
    بس خلاص :)

    ردحذف
  4. و جوووووووووووووون في التمنيات يا باشا ههههه

    ردحذف
  5. ليش مافي ملوخية مرة غلط كدة

    ردحذف
  6. الاخ العزيز aido
    منا نحن ادارة مطعم ستديو مصر بجدة نود ان نشكركم على مجهودكم الرائع لوصف المطعم والجو العام وقائمة الطعام الخاصة بنا,
    ووعد مننا نحن مطعم ستديو مصر جدة اننا لن نكون تحت مستوى الخدمة والطعام ابدآ لأننا نمثل شركة عريقة فى مجال المطاعم والفنادق وليست شركة فردية.
    مع تحياتنا من ادارة مطعم ستديو مصر جدة

    ردحذف
  7. وااااو .. شكراً شكراً
    أحييكم وأشكركم إنكم فتحتوا في جدة :)

    ردحذف